El 15th Civil-Military Operations (15CMO) battalion y el 18th Infantry Battalion (18IB) ya promete trabaja hunto para atende con el mga desafios que ta enfrenta el provincia de Basilan y asegura el seguridad y bienestar del comunidad, asegun con el militar del Sabado.
El promesas ya hace cuando si Tiniente Coronel Gerald John Saldo, el nuevo instolao comandante del 15CMO, ya hace visita de cortesia del Miercoles na quartel del 18IB que ta encabesa si Tiniente Coronel Mark Serapion Lagud, Jr.
Asegun con el 18IB, el visitada tiene el objetivo fomenta colaboracion y mejora el camaraderia entre el dos unidades, enfatizando el importancia del combinao-armas para solve desfios relatao na CMO, incluido armao conflicto y guerras de clanes.
El dos oficiales, si Saldo y Lagud, ya discuti el presente despelgada del un grupo de CMO na municipio de Akbar que ta trabaha hunto con el 18IB na conducida del Mobile Community Support Sustainment Program.
El dos unidades ta tabaja tamen hunto para el rehabilitacion del lugr afectao de conflicto na mencionao municipalidad.
El visitada de Saldo ya conclui con compromise compartido para continua fomenta un mafuerza y colaborativo relacion entre el 15CMO battalion y el 18IB. (B. Garcia)