El 2nd Marine Brigade (2MBde) esperansao despelga un mil personajes para asegura pacifico el celebracion del 51 Kamahardikaan na mes de Septiembre na provincia de Tawi-Tawi, asegun con el militar del Viernes.
Asegun con el 4th Civil Relations Group (4CRG), ese el resulta del dos dias hunta de seguridad con el objeto organiza y coordina el medidas de proteccion para del mga gentes, participantes, y visita quien hay atende con el un mes celebracion del Kamahardikaan.
El dos-dia hunta de segurdidad ya hace desde Miercoles hasta Jueves na quartel del 2MBde.
El celebracion de Kamahardikaan hay dale mira el varias deportes, actividades cultural, y festividades descatando el rico patrimonio del Tawi-Tawi.
Asegun con el 4CRG, el despelgada del mga soldao hay dale tamen oportunidad con el mga personajes marino observa y goza con el varias eventos cultural y deportes que hay hace el provincia de Tawi-Tawi.
Asegun con el 4CRG, el comprehensivo plano de seguridad ta demostra el compromise del sector de seguridad para mantene paz y orden durante el celebracion del aka-51 Kamahardikaan. (B. Garcia)