Un negociante y su uban el ya aresta mga otoridad na un campanya contra droga ilegal na Liloy, Zamboanga del Norte.
Si Police Colonel Glenn Dulawan, el director del pulisiya na provincia del Zamboanga del Norte, ya nombra con el mga arestao suspechao como canda Eddie Elicanal, Jr., 26 años el edad y un negociante y su uban si Philip Bacang, 32, sin trabajo.
Asegun con Dulawan cay con el dos suspechao ya aresta na un “buy-bust operation” mga alas 4:10 del Martes tarde na Purok Acacia, Barangay Baybay, Liloy, Zamboanga del Norte.
Ya puede confisca na posesion del dos suspechao 10 gramos de alegao shabu con el valor de P68,000, un vehiculo, un markao P500, y mga las cosas na uso del droga ilegal.
Asegun con Dulawan cay ya detene con mga suspechao en preparacion para el planta del formal asunto encontra canila na jusgado. (B. Garcia)