Oficialmente ya asumi na puesto si Aida Paniorotan como un nuevo myembro del consejo del ciudad y ele ay sirvi como el representante del Indigenous Peoples (IP).
El alcalde John Dalipe amo el ya administra con el juramiento de Pantiorotan na City Hall y ya para como testigo si vice alcalde Josephine Pareja.
El juramiento de Paniorotan ya bene despues que ya presenta si Ferdausi Cerna, el director regional del National Commission in Indigenous Peoples, con el certifico de afirmacion na govierno local.
Si Paniorotan amo ay sirvi como el nuevo representante del mga IP y ele ya releva con Senyor Tungkuh Hanapi.
El designacion de Indigenous Peoples Mandatory Representative estipulao este na Republic Act 8371 o mas conosido como el Indigenous Peoples Rights Act of 1997. (B. Garcia, photo courtesy of Vice Mayor Pinpin Pareja Facebook page)