Sumala sa nakatala sa binulan nga Project Status Report sa buhatan sa City Engineering ning dakbayan, aduna nay pipila ka mga proyekto ang natapos niadtong bulan sa Mayo ning tuiga.
Sigun sa taho, anaa na sa 100% completion ang Site Location, Grading, Earth Moving ug Leveling alang sa kontruksiyon sa “AA” Slaughterhouse nga didto nahimutang sa Brgy. Lugdungan ingon man kompleto na usab ang “Filling Works” alang sa Relocation Site sa Brgy. Olingan ug lakip sa nahuman mao ang Fabrication sa Triathlon Race Structures and Arcs sa Boulevard, tanan ning dakbayan.
Gawas ning nahisgutan, nasayran nga padayon ang implementasyon sa uban pang mga proyekto ning siyudad diin ang mosunod duna nay taas nga percentage padulong sa kahumanan niini;
- Construction of Transformer at LSDEC, Brgy. Galas- 95%,
- Construction of 2-storey 2 Classroom School Building at Turno Elementary School- 95% ug
- Desilting of Creek, Repainting of Signages and Vegetation Control sa Brgy. Minaog- 85%.
Samtang ang ubang na-implementar na nga proyektong imprastraktura ang padayong gi-trabaho ilawom sa kasamtangang administrasyon diin ang tumong niini mao ang paghatag og katumanan sa mga gipangandoy sa katawahang Dipolognon.
Kon aduna man gani mga ginagmay nga kalangan, kini tungod usab sa mga kakulian nga dili malikayan ilabina dinha sa pagproseso sa mga kinahanglanong mga dokumento.
(Source: Dipolog City Government Facebook page)