El BRP-Jose Loor Sr. del Philippine Navy ya salva con 121 gente abordo na un barko de palo reportao perdido dentro de cinco dias y en peligro na provincia del Tawi-Tawi, asegun con el Naval Forces Western Mindanao (NFWM) del Miercoles.
Asegun con Rear Admiral Francisco Tagamolila Jr., el comandante del NFWM, con el barco de palo nombrao com el M/L J Sayang 1 ya salva del Martes aproximadamente 5.4 millas nautica oeste del isla de Siklangkalong, Panglima Sugala, Tawi-Tawi.
“El barco cargando 106 pasajeros y 15 tripulantes, istranded serca seis dias por causa ya queda malo el maquina y mal condicion del tiempo,” si Tagamolila ya habla.
Si Tagamolia ya habla, ya reporta perdido el M/L J Sayang 1 del Enero 8 mientras ta viaja desde ciudad de Zamboanga para na municipio de Turtle Islands, Tawi-Tawi.
Si Tagamolila ya habla, ya queda malo el maquina del M/L Sayang 1 mientras ta navega serca na muncipio insular de Pangutaran, Sulu.
“Maskin inicialmente ya compone, el barco ya tene otro problema mecanical, dejando con el barco man anud sin gasolino y capabilidades de comunicacion,” si Tagamolila ya habla.
Asegun con Tagamolila, el mga pescador ya columbra con el barco serca na Pearl Bank, Languyan, Tawi-Tawi, conduciendo un coordinao respuesta con el Philippine Navy y otro agencias de maritima.
El mga tripulantes del BRP-Jose Loor Sr., cuando ya llega sila na barco, ya dale agua, comida, medicina, y acceso de internet para permiti con el mga pasajeros llama con el de ila familiares.
Sin peligro ya puede hala con el M/L J Sayang 1 para na isla de Taja, Pearl Bank, Tawi-Tawi masking infavorable el condicion del tiempo.
“Todo el mga pasajeros y tripulantes reportao na buen condicion fisica pero anguistiado psicologicamente despues de cuantos dias con limitao comida y agua,” ya habla si Tagamolila said.
Ya habla si Tagamolila, un barco de alivio, el M/L Arneza ya llega mga alas 5 del Martes tarde, llevanco omento gasolino y provisiones mientras ayudando na halada con el M/L J Sayang 1 para na su final destinacion na municipio de Turtle Islands, Tawi-Tawi.
Asegun con Tagamolila, el exitoso rescate ta descata el dedicaion del Philippine Navy na seguridad y proteccion de maritima.
Si Tagamilia ya habla, el cooperacion entre autoridades local, el Philippine Navy, y Philippine Coast Guard ya demostra el importancia del esfuerzos unido na responidad de emergencias maritima. (B. Garcia)