30.2 C
Manila
Sunday, April 21, 2024

Zamboanga: MSSD ya dale ‘essential kits’ con 100 bata con deficiencia

- Advertisement -

El Ministry of Social Services and Development-Bangsamoro Autonomous Region in Muslim Mindanao (MSSD-BARMM) ya dale “essential kits” con 100 mga bata con deficiencia durante el actividad de culminacion del “National Children’s Month” del Miercoles.

El distribucion del mga essential kits ya conduci na centro de discapacitados del ciudad de Cotabato del Miercoles.

Este iniciativa ta promove el inclusividad y empodera con el salud y bienestar del mga bata na BARMM alineado con el celebracion del NCM, de conformidad con el Republic Act No. 10661.

El Abogao Mohammad Muktadir Estrella, el director-general del MSSD-BARMM, ya enfatiza cay el MSSD ta prioritiza con mga bata con especial necesidades de bienestar, hablando “ta reconose came y ta dale todo importancia na de ila visibilidad y representacion.

El equipos que ya dale con mga bata con deficiencia compuesto de esenciales de hygiene, cuadernos, payong y mga camiseta de NCM.

Ademas, si Ombra Sancupan, el hefe del centro para discapacitados, ya habla cay el actividad amo el primer interventcion del MSSD despues que ya entrega canila el centro de discapacitados el Departamento de Bienestar Social y Desarollo.

Si Sancupan ya asegura tambien ay continua sila sirvi con mga bata con deficiencia na BARMM en asociacion con el MSSD.

(B. Garcia, photo courtesy of MSSD-BARMM)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -