Drug Abuse Prevention and Control Month, gitak-opan

0
11

Cagayan de Oro – PAGPASALAMAT, hagit ug paglaom ang nag-unang mensahe ni Office for Community Affairs Department Manager Mr. Oliver Egypto sa pagtak-op sa kasaulogan sa Drug Abuse Prevention and Control (DAPC) month karong adlawa, Nobyembre 29 ning tuig nga gipahigayon diha sa community amphitheater ning syudad.
Mapasalamaton si Mr. Egypto sa panaghiusa sa kagamhanang lokal, barangay, katawhan, mga ahensya sa gobyerno ug sa tibuok komunidad sa pagpakusog sa kampanya batok ilegal nga droga ug daotang epekto niini sa katilingban.
Nagtuo usab kini nga taliwala nga natapos na ang DAPC month, dakong hagit ang pagpadayon sa mga nasugdan nga paningkamot aron sa hingpit mapukan ang paglambigit sa gidiling droga.
Naglaom usab kini nga mas lapad pa ang maabtan sa kampanya ug sa kanunay anaa ang init nga suporta sa matag barangay.
Sa samang higayon, gipasidunggan ang top 10 nga aktibong barangay nga nagpatuman sa Community-Based Drug Rehabilitation Program (CBDRP) nga naglangkob sa: 1. Tignapoloan, 2. Balulang, 3. Carmen, 4. Bayabas, 5. Lapasan, 6. Camaman-an, 7. F.S Catanico, 8. Cugman, 8. Agusan ug 10. Tablon.

 

News and photo courtesy of Cagayan de Oro City Information Office

Leave a Reply