Ya subi ya na dos mil ocho sientos seis el total caso de dengue aqui na ciudad, despues anuncia el City Health Office cay tiene nuevo sincuenta’y nueve caso desde Hunyo veinte seis hasta Hulyo dos este anio.
Pero nohay alcansa na epidemic alert threshold level el reportao kaso del dengue y nuay tambien kien ya sale muerto para con el asegun morbidity week.
Ta esta lang syempre numero uno el maga edad de zero hasta nueve el tiene alto kaso de denmgue que tiene total de mil cuatro sientos ochenta’y siete mientras tali na nueve sientos onse kaso para el na edad de dies hasta deci-nueve.
Myntrastanto, ta bisya ya con el barangay Pasonanca y San Roque despues este nota como hotspot areas.
Ta continua lang syempre el hacida del entomological survey y fogging operations del oficina del saludna diferentes maga barangay aqui na ciudad para asegun descansa ya el subida del kaso de dengue.
Ta dale tambien aviso el gobyerno local con el maga residentes del ciudad que sigi el “4S” kontra dengue para pwede protekta kon todos aserka el mencionao enfermedad. (Erica B. Javier)