El militar ya promociona con un mujer oficial soldao designao na 101st Infantry Brigade para na siguiente alto ranggo.
El 101st Infantry Brigade ya nombra con el promocionao oficial como si Second Lieutenant Venus Castillo para na ranggo de First Lieutenant.
Ya honra con Castillo durante el ceremonia de la bandera del Lunes na quartel del 101st Infantry Brigade na Barangay Tabiawan, ciudad de Isabela, el capital el provincia de Basilan.
Durante el ceremonia, si Brigadier General Alvin Luzon, comandante del 101st Infantry Brigade, ya adjunta el nuevo insignia de ranggo con Castillo.
Si Castillo ya expresa su gratitud con todo’l mga gente quien ya ayuda conele aregla su joven carrera.
Na su parte, si Luzon ya comenda con Castillo por su acomplicimiento y ya cita como un exelente ejemplo de coraje y dedicacion de Trajan soldados. (B. Garcia)
