Nasikop sa mga operatiba sa kapulisan sa Tubod Municipal Police Station ang isa ka suspek sa pagpanigbas jadton, Marso 19.
Si Police Colonel Laudemer M. Laude, ang Provincial Director, niila sa suspek nga isa ka 53-anyos nga minyo, mag-uuma ug residente sa Tubod, Surigao del Norte.
Mga alas 7:30 nan duyom sa milabay’ng adlaw nakadawat ug tawag sa telepono ang mga personahe sa Tubod MPS gikan sa isa ka concern citizen nga nagpahibayo kanila sa nahitabong pagpanigbas sa Purok-3, Barangay Capayahan, Lungsod sa Tubod. Diha-diha dayon, ang mga operatiba sa kapulisan dali miresponde sa lugar sa insidente alang sa pagpahigayon ug imbestigasyon.
Base sa report sa Tubod Municipal Police Station, gitigbas sa suspek ang uyo sa biktima gamit ang isa ka hatsa. Gibadlong sa suspek nga amahan sa biktima ang ija anak nga mag daya² ug babaje sa bayay nga misangpot kini sa init nga panaglalis tali kanila.
Ang dinakpan jaon kuman sa kustodiya sa Tubod Municipal Police Station alang sa tukmang disposasyon. (Mark James Lisondra)
(Source: Surigao del Norte Police Provincial Office -Sdnppo)