Pormal nga gihimo ang turn-over of command sa Mandaue City Police Office ( MCPO) kagahapong adlawa Marso 18, 2024.
Gitambungan kini sa mga opisyalis sa dakbayan sa Mandaue ug mga kadagkuan sa Police Regional Office -7.
Gitugyan ni Police Colonel Maribel Getigan ang responsibilidad ug mga tahas sa pagduma sa Mandaue City Police Office ngadto sa bag-ong City Director nga mao si Police Colonel Julius Bagangan Sagandoy.
Si PCOL. Sagandoy gradwado sa PNPA Kabalikat Class of 1998.
Saad sa bag-ong City Director na iyang tutukan ang pagmintinar sa kahapsay ug kalinaw sa Mandaue City ug ipadayon ang hingpit nga pagsumpo sa illegal nga sugal ug illegal nga drugas lakip ang dugang mga pulis sa kadalanan.
Si Police Colonel Maribel Getigan maoy Acting City Director gikan niadtong Agusto 24, 2023, hangtod sa Marso14, 2024, na gradwado sa PNPA MAGILAS Class of 2000.
Diin sa iyang unom ka buwan na paglingkod nakasikop kini og 52 ka mga drug suspects, nakasakmit og 10,649.87 gramos sa ginadiling drugas na adunay standard drug price value na ₱72,419,116.
Samtang sa Illegal gambling operations usab niabot sa 779 ka mga tawo ang arrestado ug nakasakmit og ₱78,927 total bet money ug ubang illegal gambling paraphernalia, gawas ana 74 usab ka mga illegal nga armas ang nasakmit.
“The change in leadership presents us with an opportunity to reflect on our past accomplishments, acknowledge the challenges we have successfully confronted, and embrace the future with renewed vigor and determination”, matod ni PBGen Anthony Aberin. (Renante Lada)
(Source: PRO-7 and Mandaue City PIO)