El fuersa militar ya lleba bolbe con el resto del cuatro rebelde New People’s Army (NPA) na de ila cada’y cual familiares, asegun con el 97th Infantry Battalion (IB) del Sabado.
El cuatro rebelde NPA ya muri na dos separao tirahan que ya ocuri del Miercoles na Barangay Welbin, Sergio Osmeña y del Jueves na Barangay San Jose, na municipio siempre de Sergio Osmeña, Zamboanga del Norte.
Asegun con el 97IB, con el mga resto del cuatro rebelde NPA ya entrega con el de ila cada’y cual familia del Viernes.
Asegun con el 97IB, con el cuatro muerto rebelde NPA ya conose como el mga siguientes: Charlie Hintapa del Barangay Upper Dimurok, Molave, Zamboanga del Sur; Mary Ann Nabecis del Barangay Kapitan Bayong, Impasugong, Bukidnon; Jerome Albios, del Sitio Barabug, Barangay Lantay, Pangantukan, Bukidnon; y, si Maria Luz Ranan del Sitio Mahaba, Barangay Poblacion, La Paz, Agusan del Sur.
Si Tiniente Coronel Jimmy Sanz, el comandante del 97IB, ya comenda con el combinao esfuerzo del fuerza armada del Pilipinas y gobierno local por hacer omento esfuerzo y ya asegura cay el mga cadaver hay recivi el propio servicio funerario y con respeto.
Mientras tanto, el fuersa militar ta apela con el restante miembros del NPA para rindi, bira na poder del ley, y vivi un pacific y normal vida. (B. Garcia, photo courtesy of 97IB)