El Departament of Health (DOH) ya reporta cay tiene ya el total de 16 caso de irida relatao na uso de rebentador aqui na Zamboanga Peninsula.
Asegun con el DOH, el 16 casa ya registra desde’l Deciembre 21 hasta del Jueves, Deciembre 30, na sistema de vigilancia del Zamboanga Peninsula Center for Health Development-Fireworks-Related Injuries (FWRI).
Asegun con el DOH el dos de 16 caso ya reporta amediante el hora de alas 6 del Viernes hasta alas 5:59 del Sabado aga.
El ciudad del Zamboanga amo el ya registra el de todo alto numero con nueve caso.
El restante del mga case ya registra ng mga siguientes lugar: Zamboanga del Sur, dos; Zamboanga del Norte, dos, Zamboanga Sibugay, uno, Isabela City, uno; and, Sulu Sanitarium and General Hospital, uno.
Asegun con el oficina regional del DOH, 14 del 16 caso envuelto el uso de piccolo, que inludio na lista del mga prohibido rebentador.
Hinde pa determinao el clase de rebentador envuelto el dos restante caso.
El oficina regional del DOH ya adverti con el public para no usa rebentador durante del celebracion del año nuevo. (B. Garcia)