Un pescador listao como uno del mga bien “wanted” persona el ya aresta mga autoridad na operacion de aplicacion de ley na provincia del Zamboanga del Norte, asegun con el policia local del Sabado.
El policia local ya nombra con el arestao bien wanted persona como si Hassan Tumaguidguid, 65, y residente del Zone 3, Barangay Cawit, en este ciudad.
Asegun con el policia, con Tumaguidguid ya aresta na un operacion de aplicacion de ley por medio de sirvir orden de aresto mga alas 2 del Viernes tarde na Barangay Nala, Sibuco, Zamboanga del Norte.
Asegun con el policia, si Tumaguidguid listao como el numero uno bien wanted persona na jurisdiccion del Zamboanga City Police Station 9 (ZCPS9) base na sistema de E-warrant.
El policia ya habla, si Tumaguidguid tiene pendiente orden de aresto de rapto por medio de agresion sexual con recomendao piansa del P200,000 que ya dale el un tribunal local del Septiembre 25, 2023.
Con Tumaguidguid ya pone bajo’l custodia del ZCPS9 antes que ay entrega con ele na concierne tribunal. (B. Garcia)