El mga soldao ya descubri un campo del rebelde New People’s Army (NPA) na tierra interior na provincia del Sur Cotabato, asegun con el militar del Martes.
Asegun con Tiniente General William Gonzales, el comandante del Western Mindanao Command (Westmincom), con el campo ya descubri del Sabado na Sitio Demamis, Barangay Lacunon, T’boli, Sur Cotabato.
Asegun con Gonzales, el mga tropas del 5th Special Forces Battalion ta conduci operacion de limpiesa de combate cuando ya encontra sila con el campo del rebelde NPA na Sitio Demamis, Barangay Lacunon.
Asegun con Gonzales, ta cre el mga soldao con el campo ya abandona el mga rebelde NPA que ta encabesa el un tal Ka Macmac, quien el objetivo del reciente de serie de operacion ya conduci el 1st Mechanized Brigade na lugar.
Si Gonzales ya habla, el mga soldao ya recubri na campo diferentes clase de materiales de guerra, incluido un rifle M-16, tres celpon, dos duyan, tres capote, un bandolier, parafernales de medicina, y un telescopio.
Si Gonzales ya habla, el mga soldao ta continua chekia y busca con el mga rebelde NPA quien ya escapa na lugar.
Si Gonzales ya comenda con el mga tropas del Joint Task Force Central por el de ila sin descanso esfuerzo para desmantela con el mga restante grupo que serivi de amenaso con el paz na Centro del Mindanao. (B. Garcia)