El mga autoridad ya recubri valor de P180,000 contrabando na un lubrigo lugar na provincia del Maguindanao del Norte, asegun con el policia del Martes.
Asegun con el Police Regional Office-Bangsamoro Autonomous Region (PRO-BAR), con el P180,000 valor de contrabando que ta consisti de 10 cajon de cigarillo ya recubri mga alas 8:15 del Domingo denoche na Barangay Ungap, Sultan Kudarat, Maguindanao del Norte.
Asegun con el PRO-BAR, el mga pulis ta conduci patrulla cuando tiene un residente ya informa canila aserca el presencia del mga cajon de cigarillo na un oscuro y lubrigo lugar na Barangay Ungap.
Enseguidas el mga pulis na anda para na lugar y ya recrubri sila con el 10 cajon de cigarillo que tiene el valor de P180,000.
Base na inicial investigacion, con el mga cigarillo ya déjà na lugar mga desconocidos personas y nohay mas bira cuando ya gole sila el presencia del policia.
Siguiendo el estandar protocolo, el policia ya pedi el presencia del mga oficiales del barangay y personalidad de radio local para man testigo na inventario del mga recubrido cigarillo.
Con el mga cigarillo ya pone bajo’l custodia del policia del municipio de Sultan Kudarat para el propio investigacion y disposicion. (B. Garcia)