El Alcalde Roderick Furigay del ciudad de Lamitan na provincia de Basilan ya encabesa con el serie de inaguracion de varias proyectos de infrastractura del Lunes na diferente barangay na Lamitan.
El mga proyectos ta inclui covered courts na mga barangay de Tandung Ahas, Bohe Yawas, Martha y Bulingan, que tiene el total cantidad serca de P20 millon.
Igualmente, si Furigay ya encabesa con el ceremonia de inaguracion para el construccion del edificio de bombero y proyectos de casa na Barangay Lo-ok.
Na su mensaje, si Furigay ya habla, hay beneficia el mga residentes del recipientes barrios igual como del mga barangay de Lumutun, Bulingan, Bohesapa, Arco, Boheyajan, y Lo-ok una vez hay completa el mga proyectos.
Ya promete tamen si Furigay cay el gobierno del ciudad hay dale truck de bombero y ambulancia na mga barangay.
Ademas, ya habla si Furigay cay el gobierno local hay construi un sub-estacion de policia na mga mencionao barangay. (B. Garcia)