El “Western Mindanao Command (Westmincom)” hay cambia ya de ila concentracion desde operaciones de defensa interna para na operaciones de defensa territorial.
Ese ya vene despues el victoria na campaña del militar contra terorismo y insureccion aqui na oest parte del Mindanao.
Si Brigadier General Taharudin Ampatuan, el “deputy commander” del Westmincom para el operaciones de defensa exterior, ya man hunta con Commodore Marco Antonio Gines, el comandante del “Coast Guard District Southwestern Mindanao (CGDSWM)” para discuti el mecanismo concierne el defensa territorial.
El junta del dos alto oficiales ya conduci na quartel del CGDSWM na Barangay Campo Islam del Viernes tarde.
El Fuerzas Armadas de Filipinas y el Guardia Costera de Filipinas ta fortalece el esfuerzos de colaboracion para intensifica el operacion para sustene el soberania nacional y proteje con el territorio del pais. (B. Garcia, photo courtesy of Westmincom PIO)