Gisikop sa kapulisan ang usa ka lalaki, tungod sa pagpanghasi niini didto sa NIA Barangay Gulayon ning dakbayan sa Dipolog mga alas 12:25 sa buntag Lunes, Enero 22, 2024.
Ang suspetsado giila nga si KENT TENEFRANCIA ARCALA, 39 anyos,minyo ug residente sa Madison Village Dicayas, ning dakbayan sa Dipolog.
Samtang ang biktima giila nga si LORENZO BELARMINO, 28 anyos,menyo ug residente sa NIA Barangay Gulayon ning dakbayan sa Dipolog.
Ang suspetsado nga si ARCALA matod pa miadto sa atubangan sa panimalay sa biktima nga si BELARMINO ug nagdala sa iyang bladed nga armas, misinggit kini nga pagawson ang biktima dungan sa pagtion sa armas niini.
Migawas ang biktima sa iyang panimalay ug matinahurong mihangyo sa suspek aron mo kalma kini.
Apan nipadayon sa pag singgit ang suspetsado ug gitigbas dayun ang steel sheet sa koral sa atubangan sa balay sa biktima.
Naaghat ang biktima ug nangayog tabang sa kapulisan.
Human niini, gipunting sa biktima ang suspek nga padayong nagyawyaw og mga pulong nga pagpanghulga batok kaniya.
Ang Dipolog CPS TOC Duty matod pa nakadawat ug tawag gikan sa usa ka concerned citizen sa gikatahong insendenteng pag panghasi.
Diha-diha dayon,miresponde ang mga personahe sa PNP ug gipakatap sa duty TOC ang mga personahe sa PNP aron pamatud-an ang kamatuoran sa naasoyng insidente.
Ug sa pag-abot didto,miaghat sa pagduol sa suspek ang mga miresponding personahe sa kapulisan ug nagpaila nga sakop sa PNP
Hinungdan nga nasikop ang suspek.
Ang suspetsado gidala sa Dipolog CPS alang sa tukmang disposasyon. (Medalyn U. Borja, RPN DXKD Correspondent)
(Source: Dipolog City Police Station)