El 101st Infantry Brigade (101Bde) ya distribui mga ropa de combate y equipo individual con mga miembros del milicianos na mga lejanos bases de patrulla na provincia de Basilan.
Asegun con el 101Bde, el distribucion del mga ropa de combate y equipo individual, que ya conduci del Jueves, es parte del celebracion de 128 aniversario del Philippine Army.
El mga cosas ya distribui ta inclui nuevo uniformes, botas de combate, sombreros, y kit de hygiene personal, simbolizando el apreciacion del Army por el dedicacion y sacrificios del mga heroes anonimos.
El mga recipiente milicianos designao na mga bases de patrulla na ciudad de Lamitan, y na mga municipios de Ungkaya Pukan, Mohammad Ajul, y Sumisip.
Si Brigadier General Alvin Luzon, el comandante del 101Bde, ya encabesa con el distribucion del mga ropas de combate y equipo individual con el ayuda del mga comandantes de batallon. (B. Garcia)