El mga lideres clave y partes interesadas na municipio del Al-Barka, Basilan, ya reafirma de ila compromiso con el paz y estabilidad durante el firmada de un pacto de paz, asegun con el militar del Sabado.
Asegun con el 101st Infantry Brigade (101Bde), el firmada del pacto de paz ya conduci del Viernes na salon municipal del Al-Barka na Barangay Magcawa del mencionao municipio.
Si Brigadier General Alvin Luzon, el comandante del 101Bde, ya man hunto con el Alcalde Jaydeefar Lajid del Al-Barka, policia, lideres tradicionales y religiosos, y representantes desde varias sectores na prometida para rechaza violencia, promova dialogo, y trabaja hunto para el progreso continuo del Al-Barka.
Asegun con el 101Bde, na de ila mesajes, el mga candidatos, incluido si Lajid, ya enfatiza el de ila responsibilidad compartida na mantencion de paz y asegurando un justo y democratico proceso electoral.
Asegun con el 101Bde, el mensaje de suporta desde’l policia y lideres religiosos ya reinforza el significancia del colaboracion continua para garantiza que el paz hay esta un realidad duradera. (B. Garcia)