El mga escujido miembros del 1601st Ready Reserve Infantry Battalion (1601RRIBn) ya esta bajo el “Command Post Exercise (CPX)” que ya facilita el 90th Infantry Battalion (90IB) na provincia del Maguindanao del Sur, asegun con el militar del Jueves.
Asegun con el 90IB, el significante y historico entreno ya conduci del otro semana na Barangay Kabengi, Datu Saudi Ampatuan, Maguindanao del Sur.
El caracteristica principal del CPX amo el cambio de sabidoria del 90IB sobre el proceso na hacida de decicion militar, procidimiento para encabesa mga tropas, oficina de funcciones de batallon, y propio usada del armas de fuego, con el objetivo omenta el sabidoria del mga reservistas na operaciones de campo y respuesta de crisis.
“Deseñao este entreno para mejora de ila habilidades y prepara canila para na alto nivel de responsibilidad de servicio publico,” el 90IB ya habla na un declaracion.
Durante el ceremonia de graduacion del capacitacion, si Tiniente Coronel Rowel Gavilanes, el comandante del 90IB, ya enfatiza el importancia del disciplina, preparacion y unidad na complida del deber del de aton mga reservistas y regular soldados como parte del total fuerza del Fuerza Armada del Filipinas, o AFP.
Ya enfatiza tamen si Gavilanes el importancia del continuando formacion del mga reservista en colaboracion con el regular soldados como parte para establici un solido fundacion para conduci un efectivo programa de gobierno na nombre del guardia libertad, paz y servida con el mga gentes.
Si Gavilanes ya habla, preparao sila suporta con el mga reservista y unidad reserva como socio del AFP durante calamidades y otro necesidades del gente maskin en tiempo de paz.
El 1601RRIBn es bajo mando del the 16th Regional Community Defense Group (16RCDG) del mando de reserva del Army.
Con el El 1601RRIBn ta encabesa si Tiniente Coronel Gino Ballesteros y con el 16RCDG ta encabesa si Tiniente Coronel Andolong Durado. (B. Garcia)