El Police Regional Office-Bangsamoro Autonomous Region (PRO-BAR) exitosamente ya asegura el generalmente pacifico celebracion del año nuevo con el desingacion del 2,594 personajes del policia na entero region.
Asegun con Police Brigadier General Romeo Macapaz, el director del PRO-BAR, ya propociona sila extensivo cubrida de seguridad, para mantene el seguridad del publico y orden na varias festividades y reuniones.
Asegun con Macapaz, ya asegura sila el comprehensivo cubrida de seguridad por medio del designacion del mga personajes na mga estrategico locaciones, incluido 320 personajes na 40 iglesias, 276 na 32 camino principal, 198 na 57 centros de transportacion, 532 na 102 lugar de comercio, y 1,268 otros puntos de convergencia.
Si Macapaz ya habla, el informacion ta indica el significante abajada na grave incidentes y crimen, que atribuido na efectivo medidas de seguridad.
Si Macapaz ya extende su gratitud con mga personajes, unidades de gobierno local, y socio agencias por el de ila incansable esfuerzos na mantencion de paz y orden durante el celebracion del año nuevo.
Asegun con Macapaz, el exitoso cubrida de seguridad es un testamento del dedicacion del PRO-BAR na seguridad del publico.
Si Macapaz ya aprecia con el cooperacion y suporta del publico, que ta contrubi significatmente na pacifico celebracion del año nuevo. (B. Garcia)