Si Police Brigadier General Romeo Macapaz, el director del Police Regional Office-Bangsamoro Autonomous Region (PRO-BAR), ya hace acorda con mga nuevo reculutas del policia para firmi hace el cosa propio y mantene el buen valores na servida y protejida con mga Filipinos.
Si Macapaz ya hac eel recordatorio cuando ya administra le el juramiento del 250 nuevo reculutas del policia na un simple ceremonia del Lunes na Grandstand del PRO-BAR na Campo Brigadier General Salipada Pendatun, Parang, Maguindanao del Norte.
“Firmi mantene el confiansa del publico y buenos valores por medio de servi’r con Dios Poderoso, autoservicio con mga gentes, respeta y proteje dignidad humano, y defende el ley del cada Filipino,” si Macapaz ya habla con el mga nuevo reculutas del policia.
Si Macapaz ya conseja tamen con el mga nuevo reculutas del policia para inculca disciplina si ta compli de ila mandato para servi y proteje con el publico con maxima integridad, credibilidad, y competencia, y proporciona efectivo enforsada de ley y previni crimen y programas de control para asegura el paz y orden y seguridad interna del Bangsamoro Autonomous Region in Muslim Mindanao (BARMM).
“Firmi compli de ustedes obligacion por medio de servi’r con el publico y proteje canila contra todo clase de ilegal y actos criminal. Ese el de aton mandato que necesita integridad, disciplina, credibilidad y competencia,” ya habla si Macapaz.
Del 250 nuevo reculutas del policia, 215 de ila el hombres y 35 mga mujeres. Parte sila del Patrolman and Patrolwoman Attrition Recruitment Program del Philippine National Police para el año 2024. (B. Garcia)