Un miembro del grupo Abu Sayyaf voluntariamente ya rindi con mga autoridad aqui na ciudad de Zamboanga, asegun con el policia local del Sabado.
Asegun con el policia, con el miembro del grupo Abu Sayyaf quien ya rindi ya conose como si Abdurahman Mistrirul alias Mapollo, 32 años el edad, y residente del Barangay Candiis, Hadji Mohammad Ajul, Basilan.
Asegun con el policia, si Mistirul ya rindi con mga autoridad mga alas 3:03 del Viernes tarde aqui na ciudad del Zamboanga.
El policia ya habla ya entrega si Mistirul un rifle Armalite con 20 bala cuando ya rindi le na mga autoridad.
Asegun con el policia, si Mistirul ya sirvi como cargador de bala para del mga Abu Sayyaf durante ng mga tirahan que ya socede contra con mga soldao.
Con Mistirul, el pusil y mga bala que ya entrega le, ya pone bajo’l custodia del mga autoridad. (B. Garcia)