Miabot na sa 48 ka mga biktima sa pagpamomba sa Mindanao State Univerity Marawi Campus ang na-discharge sa balay tambalanan sa Amai Pakpak Medical Center sa Marawi samtang anaa sa 17 ang padayon pa nga nagpaalim sa MSU Infirmary.
Mao kana ang pinaka-ulahing update ni Jennie Alonto Tamano, ang tigpamaba sa probinsiya sa Lanao del Sur.
Sa laing bahin, sikop na usab sa mga otoridad ang usa sa sa mga responsable sa pagpabuto.
Kini gikompermar ni Col. Xerxes Trinidad, hepe sa Armed Forces Public Affairs Office.
Dinakpan mao si Jafar Gamo Sultan alyas Jaf o Kurot gidakop sa hiniusang grupo sa mga sundalo ug pulis sa may Barangay Dulay Proper sa Marawi.
Padayon pa usab nga gipangita ang ubang kaalyansa sa maong pagpabuto.
Dumdoman nga usa ka pagpamomba ang nahitabo didto sa Dimaporo Gymnasium sa nasampit nga tunghaan ang mikutlo sa 4 ka kinabuhi ug naka-angol sa dose-dosenang tawo.
Written by Cheleste Simene
Photo courtesy of Philippine National Police