Valor de P4 millon propiedad del Departamento de Educacion el ya man uput na incidente de incendio aqui na ciudad de Zamboanga, asegun con el Zamboanga City Fire District (ZCFD) del Sabado.
Asegun con Superintendent Christopher Morales, el ZCFD marshal, el incendio ya ocuri mga ala 1:44 del Sabado aga na Edwin Andrews Air Base Elementary School na Barangay Sta. Maria, en este ciudad.
Asegun con Morales, cinco “classrooms” el ya man uput mientras uno el parcialmente ya quema durante el mas de un hora incendio.
Si Morales ya habla, con el incendio completamente ya puede apaga mga alas 2:48 del aga.
Asegun con Morales, bajo pa na investigacion para determina si cosa el causa o el origen del incendio, que ya alcansa na segundo alarma. (B. Garcia, photo courtesy of ZCFD)