Un miembro del Guardia Costera de Filipinas o Philippine Coast Guard (PCG) el ya aresta na un operacion de aplicacion de ley na ciudad de General Santos, asegun con el Area Police Command-Western Mindanao (APC-WM) del Viernes.
El APC-WM ya nombra lang con el arestao miembro del PCG como si alias Zee, 30 años el edad y residente del Block 2, Lot 48, Agan Greenville, Barangay Baluan, ciudad de General Santos.
Asegun con el APC-WM, con Zee ya aresta na un operacion de aplicacion de ley por medio de implementar orden de aresto mga alas 12:07 del Miercoles tarde na quartel del sur distrito de Mindanao del PCG na pantalan del Makar, Barangay Labangal, ciudad de General Santos.
Asegun con el APC-WM, si Zee tiene pendiente orden de aresto por el crimen de abuso carnal sin recomendao piansa que ya dale el un corte na ciudad de General Santos.
El APC-WM ya habla, con Zee ya pone bajo’l custodia del policia na ciudad de General Santos para el propio disposicion. (B. Garcia)