El Cebuana motovlogger Rica “Jet Lee” Cabarrubias, el embajadora del Philippine Motorcycle Tourism ya visita con el ciudad de Zamboanga como parte del su advocacia para viaja alreredor del pais para promove con el mga bonito lugar usando motorciclo.
El Alcalde John Dalipe ya extende una calurosa bienvenida con Jet Lee na City Hall y ya rendi conele gracias por su esfuerzos promove turismo na pais.
Si Dalipe ya invita con el motovlogger para bira otravez na mes de Octubre, este año y toma parte na cuantos actividades del Zamboanga Hermosa Festival.
Si Jet Lee ya viaja para na ciudad de Zamboanga na su motorciclo de CF Moto 800 desde Cebu pasando na Dumaguete, Dapitan, y Dipolog.
El turismo de motorciclo es un campaña ta encabesa el Tourism Promotions Board Philippines (TPBP), el en cargao na promocion y marketing del Departamento de Turismo.
Si Jet Lee amo tamen el nombrao embajadora del oficina de transporte terrestre o LTO na Region 7. (B. Garcia)