Maga autoridad ya aresta con un mekaniko por el crimen de homicidio alla na provincia de Zamboanga Sibugay.
Si Coronel Albert Larubis, el Zamboanga Sibugay police director, ya nombra con el arestao suspechao como si Juriel Solies, treynta’y tres año el edad.
Con Solis ya aresta maga pulis maga alas dies cuarenta’y sinco del lunes aga na Purok Kasoy, Barangay Longilog, Titay, Zamboanga Sibugay.
Asegun con Larubis cay si Solis tiene pendiente orden de aresto por el crimen de homicidio con el piansa de siento veinte mil pesos que ya dale el tribunal de Imelda, Zamboanga Sibugay.
Con Solis ya pone bajo el custodiya del pulis na municipio de Ipil, Zamboanga Sibugay. (Bong Garcia, Jr.)