Maga personajes del Police Station 7 ya aresta con un construction worker persona anoche na Barangay Uwak Drive ,Barangay San Roque este ciudad.
El Police Station 7 ya nombra con el suspechao como si Joel Lim Esperat,treynta’y seis anios el edad, kasao,y residente del Hipolito drive,Barangay San Roque este Ciudad
Asegun con el pulisiya, ya puede confisca na posesion de Lim cuatro pakete de suspechao shabu que tiene valor de sinco mil, tres cientos cuatro,de pesos , pesades de zero punto siete ocho gramo y dos pedaso cien pesos que ya sirvi como markao sen.
Con Lim ya detene na quartel del Police Station 7 y esperansao planta formal caso contra con ele.