Valor de mas de P1 millon propiedad el ya destrosa na mas de media hora incendio na ciudad de Zamboanga, asegun con el Oficina de Proteccion contra Incendio, o BFP, del Sabado.
Asegun con Superintendente Christopher Morales, el marical, o marshal, del distrito de bomberos del ciudad de Zamboanga, el incendo ya principia mga alas 11:11 del Sabado aga na Paseo de Bayu-Bayu, Camino de Galvez, Barangay Sta. Maria.
Si Morales ya identifica con el dueño de casa que ya quema como si Amor Faderogao, de legal el edad.
Asegun con Morales, con el incendio, que ya alcansa na primer alarma, ya puede apaga completamente mga alas 11:52 del aga.
Asegun con Morales, el valor del destroso ya alcanca na P1,080,000.
Si Morales ya habla, nuay quien ya sinti duele durante el mas de media hora incendio.
Si Morales ya habla, ta continua de ila investigacion para determina el causa del incendio. (B. Garcia)