El Buro de Aduana-Puerto de Zamboanga ya reporta cay el de ila coleccion de impuesto para el mes de Enero ya tene sobra de 22.09 por ciento, asegun con un oficial del buro.
El Abogada Zsae Carrie De Guzman, el hefe del Buro de Aduana-Puerto de Zamboanga, ya habla ya colecta sila P860.6 millones, excediendo de P155.7 millones con el objetivo de P704.9 millones.
Si De Guzman ya prioriza mejora el coleccion de impuesto por medio de explorar oportunidades para hace subi el actividades de importacion na Puerto de Zamboanga.
“Este estrategico foco ta coordina y engrana con mga partes interesadas con varias oficinas asociadas para el suave proceso y facilita comercio legitimo,” si De Guzman ya habla na un anuncio.
“Este esfuerzo ya contribui con el significativo sobra, reflejando con el dedicacion del puerto para reforza el colecion de impuesto,” si De Guzman ya omenta.
El Buro de Aduana-Puerto de Zamboanga tiene el jurisdiccion na mga provincias del Zamboanga del Norte, Zamboanga del Sur, Zamboanga Sibugay, Basilan, Sulu, y Tawi-Tawi.
El jurisdiccion ya inclui tamen el mga islas y grupo de islas dentro del jurisdiccion del seis provincias. (B. Garcia)