Total de 1,470 pulis con ranggo de segundo nivel del mando regional del policia, o Police Regional Office-9 (PRO-9), el ya promociona para na siguiente alto ranggo, asegun con el policia del Sabado.
Asegun con el PRO-9, el mga promocionao segundo nivel pulis tiene el ranggo de Police Corporal para Police Major bajo el año del ciclo 2024 para el regular promocion.
Si Police Brigadier General Roel Rodolfo, el interino director del PRO-9, ya administra con el juramientos simultaneos, ponida y sujetada del ranggos del Jueves na Campo Coronel Romeo Abendan na Barangay Mercedes, ciudad de Zamboanga.
Na su mensaje, si Rodolfo ya habla el ranggo hinde un privilegio. Hinde titulo para usa; el ranggo es un responsibilidad que ganar todo’l dia.
“Este promocion hinde un paso pa adelante en el jerarquia; este es un profundo dedicacion de principios que ay defende el mga oficiales,” si Rodolfo ya habla.
Asegun con el PRO-9, presente el mga familiares y parientes, quien ya man testigo y ya sujeta el ranggo del mga procionao personajes. (B. Garcia)