El mga bata edad de cuatro hasta 17 quien bajo el ciudada na mga facilidades del oficina regional del Departamento de Bienestar Social y Desarollo, o DSWD, ya beneficia con el programa del gobierno nombrao como el “Balik Sigla, Bigay Saya Nationwide Gift-Giving Activity” para con mga desventajao bata.
El evento ya conduci del Domingo na Palacio del Malacañang, y simultaneamente transmitido en vivo para na varias Residential Care Facilities (RCFs) na entero pais.
Asegun con el oficina regional del DSWD del Lunes, con el actividad, ahora en su tercer año, ya participa el mga bata desde’l Reception and Study Center for Children (RSCC), Balay Dangpanan para sa Kabataan (BDSK), y otro facilidades que ta administra el oficina regional del DSWD.
Asegun con el DSWD, el anual tradicion tiene el objetivo dale alegria y esperansa con mga bata que tiene el edad de cuatro hasta 17, especialmente aquellos bajo el cuidada del DSWD.
El DSWD ya habla, el iniciativa ya demostra el dedicacion para propaga el alegria del Pascua por medio del simple pero profundo acto de dalida regalo, concentrando con mga bata quien el ta necesita mucho.
Si Ma. Socorro Macaso, el subdirector regional de operaciones, ya expresa su gratitud por el evento significativo y ya enfatiza el Pascua amo el tiempo de amor y compartir. (B. Garcia)