El Local School Board (LSB), que ta encabesa el Alcalde John Dalipe, ya empleya omento 38 nuevo maestro y maestra para aumenta el numero del mga maestro y maestra na escuelas publico elementaria y secundaria na ciudad de Zamboanga.
Asegun con Dalipe, siete del 38 amo mga maestro y maestra hay servi na escuela de elementaria y 31 na secundaria.
El empleyo del 38, ya lleva ya na total de 204 mga maestro y maestra que ya empleya el gobierno local por medio del LSB.
Si Dalipe ya felicita con el mga nuevo empleyao maestro y maestra, llamando canila para toma el oportunidad que ya dale canila y para proporciona educacion de calidad con el generacion del mga jovenes y por ultimo ayuda na su administracion logra progreso y desarollo del ciudad de Zamboanga.
Asegun con Basilio Uy del oficina del division de escuela na ciudad el mga nuevo maestro y maestra hay forma parte del personajes ya proporciona el gobierno local con el Departamento de Educacion na ciudad de Zamboanga.
Asegun con Dalipe, el salario del mga maestro y maestra hay sale na fondo del educacion especial del ciudad y con derecho tamen sila recivi otro beneficio y remuneraciones semejante con el otro empleyados del gobierno local. (B. Garcia)