Ang kagamhanan sa dakbayan sa General Santos nihatag ug kinatibuk-ang 392 ka prangkisa sa mga lokal nga tricycle driver ug operators kagahapong adlaw . Hulyo 23, 2024 sa Oval Gymnasium.
Gipangunahan mismo ni Gensan City Mayor Lorelie Pacquiao ug sa labaw sa Public Safety Office (PSO) nga si Atty. Jong Gonzales ang pag-apod-apod sa Motorized Tricycle Operator’s Permits (MTOP) aron legal na silang maka-operate sa ilang mga traysikol.
Gipasiugda ni Pacquiao ang kamahinungdanon sa pagbaton sa prangkisa aron makabaton og kasegurohan ang ilang panginabuhian.
Gani, una pa niini, daghang mga tricycle driver ang natabangan nga mahatagan og Student Permit para makakuha og Drivers License tungod sa inisyatiba ni Mayor Lorelie Pacquiao kay dili siya gusto nga mawad-an og trabaho ang mga drayber ning dakbayan,” matod sa lokal nga kagamhanan.
Atol sa pagpang-apod-apod, gipahibalo usab ni Mayor Pacquiao ang iyang inisyatiba nga i-refund ang P2,000 nga gibayad sa mga drayber aron makuha ang maong prangkisa.
Kay ang tumong matud pa sa maong Alkalde ang pagtabang sa maong sektor sa abag usab sa1Pacman Partylist. (Rem Agdon)
(Source: CMO)