25.6 C
Manila
Sunday, March 3, 2024

Zamboanga: Ladron ya ruba pusil del un oficial de policia

- Advertisement -

Un oficial del policia ya perde su pusil de servicio y otros cosa personal na un incidente de robo aqui na ciudad, asegun con el policia local del Lunes.

El policia local ya nombra con el victima de robo como si Police Captain Mario Infante, un residente del Paseo de Atis na Barangay Baliwasan, en este ciudad, y presentamente designao na quartel del mando de policia regional.

Base na investigacion, ya descubri si Infante cay perdido el pistola .9-mm, su pusil de servicio, cuando ya disperta le mga alas 5:30 del Lunes aga.

Con el pusil ya pone le adentro de un bolso bandolera (sling bag) donde ya pone tamen si Infante su celpon.

Asegun con el policia, puera con el pusil y celpon, ya ruba tamen con el “laptop computer” de Infante.

Asegun con el policia local, tiene quien ya puede columbra con un tal Nadjing, un conosido ladron, ta carga con el mga cosas de Infante y ya istindi para na direccion de Baliwasan Grande, en este ciudad.

El mga personales del Zamboanga City Police Station 11 ta ase enbuscada con el suspechao, asegun con el policia local. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -