El “Joint Task Force (JTF)-Orion” ya designa omento soldao para reforza el seguridad na provincia del Basilan.
Na un simple ceremonia, si Coronel Frederick Sales, el diputado comandante del 101st Infantry Brigade, ya recivi con el mga soldao quien ya llega abordo na un varco del fuersa naval del Domingo na pantalan del ciudad de Lamitan,
El mga soldao con quien ya designa na provincia del Basilan compuesto mga personajes del 111th Division Reconnaissance Company, 112nd Division Reconnaissance Company, Charlie Company of the 8th Field Artillery Battalion, and un platoon of the 12th Cavalry.
Canila ay designa hunto con mga soldao del 101st Infantry Brigade na diferente parte del provincial del Basilan.
Asegun con Sales, tiene pa omento mga soldao ay designa ng mga municipalidad del Basilan particularmente na mga lugar declarao como “election areas of concern” para el benedero eleccion de barangay y de los jovenes na Octubre 30.
Puera na seguridad de eleccion, el omento soldao ay ayuda tamen con el 101st Infantry Brigade na campaña contra con el mga restante miembros del grupo Abu Sayyaf y otro mal elementos na provincia del Basilan.
Si Brigadier General Alvin Luzon, el comandante del 101st Infantry Brigade, ya expresa si gratitud con Major General Ignatius Patrimonio, el comandante del JTF-Orion, por el su inquebrantable suporta na Basilan. (B. Garcia, photo courtesy of 101st Infantry Brigade)