Un inspector de un agencia de seguridad quien un antes soldao el ya muri na un incidente de tiroteo na costa oeste de este ciudad, el policia ya reporta del Lunes.
El policia local ya conose con el victima como si Ricky Casipe, 48, legal el edad y un residente del Zone 1, Barangay Mercedes, en este ciudad.
Asegun con el policia, el incidente ya ocuri mga alas 10:30 del Lunes aga na Barangay San Jose Gusu, na costa oeste del ciudad.
Base na investigacion, ta maneja motorsiclo si Casipe para na direccion de costa oeste cuando ya tira conele el uno de dos desconosidos personas muntao na otro motorsiclo que ta sigui con el victima na atras.
Asegun con el policia, con Casipe, quien ya sufri tres irida de bala na cabesa, enseguidas ya lleva na hospital pero ya declara conele muerto el doctor.
El policia ya recubri cuatro capsula de calibre .9-millimeter pistola na lugar del crimen. (B. Garcia, photo courtesy by Remus Lim Ong)