Dos carpintero el irido na un incidente de tiroteo na ciudad del Isabela, provincial de Basilan, asegun con el policia del Lunes.
El policia ya nombra con el dos victima como canda Jobert Arabejo Nono, 46, y si Roselier None Opanes, 45 años el edad, ambos mga residents del Barangay Begang, ciudad de Isabela.
Asegun con el policia el incidente ya ocuri mga alas 7:10 del Domingo denoche na Barangay Binuangan, ciudad de Isabela.
Base na investigacion, el dos victima muntao na un motorsiclo y de camino para na Begang estaba na gallera cuando ya tira canila mga desconosidos armao personas muntao na otro motorsiclo.
Con el dos victima ya lleva na Basilan General Hospital para el curada medical.
Cuatro capsula y un bala de calibre .45 pistola el ya recubri na lugar del crimes, asegun con el policia.
El policia del ciudad de Isabela ta continua investiga con el incidente para determina si cosa el motivo y si quien el mga echor. (B. Garcia)