Valor de P1.2 millones propiedad el ya destrosa na un incidente de incendio na costa este del ciudad de Zamboanga, asegun con el Buro de Proteccion contra Incendio, o BFP, del Martes.
Asegun con Superintendent Christopher Morales, el jefe del Zamboanga City Fire District (ZCFD), el incendio ya ocuri mga alas 5:09 del Lunes tarde na Purok Sunrise, Sitio Sabanita, Barangay Manicahan, 20.10 kilometros este del ciudad de Zamboanga.
Si Morales ya identifica con el dueño del casa como si Janet Pangilinan, del legal el edad y residente del mencionao lugar.
Asegun con Morales, el incendio que ya alcansa na primer alarma, completamente ya puede apaga mga alas 5:56 del tarde.
Asegun con Morales, nohay quien ya sinti duele durante el incidente de incendio.
Si Morales ya habla, ta continua pa el de ila investigacion para determina el causa el incendio. (B. Garcia)