Tres oficiales del 6th Infantry Division (6ID) el ya promociona para na siguiente alto rango, asegun con el militar del Martes.
Asegun con el 6ID, el mga ya promociona para na rango de Teniente Coronel amo canda Major Ma. Cherel Carbinolla, Major Yvette Macabacyao, y si Major Loreto Sapon.
El ceremonia ponida del nuevo insignia de rango ya conduci del Lunes na Campo Siongco que ta servi como el casa del 6ID na Barangay Awang, Datu Odin Sinsuat, Maguindanao del Norte.
Si Brigadier General Donald Gumiran, el comandante del 6ID, ya encabesa con el ceremonia y ya asisti conele si Coronel Rey Rico, el interino jefe de personal del 6ID. Presente durante el ceremonia el mga oficiales, personal alistado, y recurso humano civil del mando.
Na su mensaje, Si Gumiran ya descata el responsibilidades na poder del mga nuevo promocionao oficiales.
“Este ceremonia hinde lang ta simboliza nuevo responsbilidades pero nuevo expectacion y confiansa tamen. Deja que inspira este con ustedes para continua tu arduo trabajo y dedicacion con el division de Kampilan,” si Gumiran ya omenta.
Ya enfatiza mas si Gumiran cay el promociones hinde lang un significante evento para con el mga envuelto oficiales, pero un renovao dedicacion tamen para exemplario liderato en todo na Philippine Army. (B. Garcia)