El mga personajes del Oficina de Medio Ambiente Comunitario y Recursos Naturales, o OCENR-Piñan ta larga con el ibid na su habitat natural na ciudad de Dapitan, Zamboanga del Norte.
Asegun con el Departamento de Medio Ambiente y Recursos Naturales, o DENR-Zamboanga Peninsula, con el ibid ya larga del otro semana na Jose Rizal Memorial Protected Landscape na Barangay Talisay, ciudad de Dapitan.
Asegun con el DENR, con el ibid que ya atrapa na un red de pesca na un tanke de pescao ya salva si Jeric Toryon, quien ya informa con el policia de maritima.
Si Police Corporal Antonio Bongcawel del PNP-Maritime, ya saca con el ibid y ya entrega con el animal na CENRO-Piñan para el propio documentacion y manejo.
Base na inicial evaluacion, el ibid tiene aproximadamente largor de 65 centimetros y na buen salud sin visible irida, haciendo con este na buen condicion para larga.
Asegun con el DENR, con el ibid ya larga el mga personajes del CENRO-Piñan hunto con el otro mga personajes del agencia y PNP-Maritime.
El DENR ya habla, el ibid clasificao como otros species amenazadas bajo el Orden Administrativo 2019-09 del DENR mientras el Unión Internacional para el Conservación de Naturaleza ya lista como menors preocupaciones. (B. Garcia)