Si Tiniente General Steve Crespillo, el Inspector General (IG) del Fuerza Armada del Pilipinas, ya visita na quartel del 11th Infantry Division (ID) na Campo Teodulfo Bautista, Barangay Busbus, Jolo, Sulu del Jueves.
Si Major General Ignatius Patrimonio, el comandante del 11ID y Joint Task Force Orion, hunto con el mga oficiales, personajes, y empleyado civilian del mando, ya extende un calida bienvenida con Crespillo.
Durante el hunta del dos general, si Patrimonio ya informa con Crespillo sobre el presente campaña de paz y seguridad del 11ID na provincia de Sulu.
Mientras tanto, si Crespillo ya toma tamen el oportunidad man cuento con el mga soldao para atende con mga asuntos y conciernes que ta afecta con el moralidad y bienestar del mga tropas y despues ya dale le su mensaje y guia.
Durante el visitada de Crespillo, ya hace tamen el un visitada de cortesia con Gobernador Abdusakur Tan del provincia de Sulu.
Si Crespillo ya afirma su suporta para el sustenable paz na provincia de Sulu. (B. Garcia)