El mga personajes del Housing Land Management Division (HLMD) ya conduci validacion de familias y caserias afectao por el incidente de incendio del Agosto 19 na Calle Claro, Barangay Camino Nuevo, ciudad de Zamboanga, asegun con el HLMD del Jueves.
Asegun con el HLMD, el validacion, que ya conduci del Martes, ya lista con el mga afectao familias y ya registra el destroso para asegura exacto el coleccion del datos para el necesario intervencion.
El validacion ta forma parte del continuando esfuerzo del gobierno del ciudad para proporciona rapido y apropriado repuesta de calamidades, y asegura el disposicion del ayuda y recursos con el afectao sector.
Asegun con el bombero, 65 caserias el ya quema, despalzando 65 families con 254 individuales.
Nohay ni uno el ya heri durante el incidente de incendio, asegun con el bombero.
Asegun con el bombero, ya puede controla con el incendio, que ya alcansa na terser alarma, mga alas 9:18 del aga y completamente ya puede apaga mga alas 11:09 del aga.
El bombero ya estima con el destroso de propiedad que ya causa el incendio na P350,000. (B. Garcia)