El Departamento de Obras Publicas y Carreteras, o DPWH, ya completa con el implementacion del P24 millones cementada del camino de derivacion y desviacion na provincia del Zamboanga del Norte, mejorando el accesibilidad y conectividad del mga residentes na mga lugar distante.
Asegun con el DPWH-Zamboanga Peninsula del Jueves, el proyecto del cementada del camino ya conecta con el Barangay Poblacion para na Barangay Manaol na municipio de Siocon, Zamboanga del Norte.
Asegun con el DPWH, el proyecto ya cubri 291 metros lineales con 6.70 metros anchor calzada y 280 milimetros gruesor de cemento, y tambien el construccion de fuente, proteccion de abajada y drenaje
Asegun con el DPWH, ambos mga residentes y negocios hay beneficia na conviniencia de omento transportacion, reducida del hora de viaje por 15 para 20 minutos y mejora el acceso de servicio esencial que hay estimula actividad economico permitiendo el eficiente flujo de bienes y servicios, contribuendo na desorollo en general del region.
El PDWH ya habla, con el proyecto ya implementa con alocacion de fondo bajo el Ley General de Asignaciones de 2023.
Con el proyecto ya implementa el Oficina de Ingenieria del aka-cuatro distrito del DPWH na Zamboanga del Norte. (B. Garcia)