Un “hairdresser” ya aresta mga otoridad na un campanya contra droga ilegal aqui na ciudad de Zamboanga.
El Regional Drug Enforcement Unit-9 (RDEU-9) ya nombra con el arestao suspechao como si Renee Despalo, 49 años el edad y residente de Sitio Tambucho, Barangay Canelar, este ciudad.
El RDEU-9 ya habla cay con Despalo ya aresta na un “buy-bust operation” mga alas 8:08 Miyercoles denoche na Monserat Drive, Barangay Baliwasan, este ciudad.
El mga operativas de RDEU-9 ya puede recubri na posesion de Despalo dos gramos de suspechao shabu con el valor de P13,600, y P500 markao sen.
Con Despalo ya entrega para na custodiya del Zamboanga City Police Office para el propio disposicion.
(B. Garcia)