Ya puede salva mga otoridad con seis potencial victima de humano trafico na provincia del Tawi-Tawi, el Guardia Costal ya anuncia del Lunes.
Asegun con el report del “Coast Guard Sea Marshal Unit” del rehyon otonomo con el sies potencial victima—dos mujer y cuatro hombre—ya puede salva myentras muntao sila na un varco de pasajero que ta navega del Biyernes para na pantalan del Bongao, Tawi-Tawi.
Asegun con el Guardia Costal cay con el mga victima ya puede salva cuando ya gole cay hinde sila mga residentes del Bongao myentras mga “Sea Marshals” ta checkya con mga pasajero del varco.
Base na intrevista de Rosabelle Sulani cay tres—un hombre y un mujer—del seis ya admiti cay anda sila na Malaysia pasando na Tawi-Tawi para buska trabrajo sin propio documento.
El otro dos—un hombre y un mujer—ay anda na Malaysia como mga visita para buska trabajo. El aka-seis victima—un hombre—ay anda tamen buska trabajo na Malaysia sin documento.
Con el mga potencial victima ya lleba na Tawi-Tawi Maritime Police Station para el documentacion y ya entrega canila na Ministry of Social Welfare and Development Office na Bongao para el prpopio ayuda. (B. Garcia, photo courtesy of PCG-BARMM)